Polls
Loading ...Siden
Argyf
Cornelis van der Wal
Frysk literêr weblog
Buorfrou ûnder de Krystbeam
Alwer fierstente min besikers! Wat mankeart jim?
Georg Trakl „Verklärter Herbst”
Sjoch ek hjir…
Cafeetje Kroes
No, einlings is it safier: de Ljouwerter Krante hat hjoed oandacht bestege oan de Dichtersjûn, oare moarn hjir yn Snits. Se hawwe it lykwols oer in ‘cafeetje in Sneek’. Dat sil dan wol in *kuch* humoristyske ferwizing nei in ferske fan drs. P. wêze, want Café Vellinga kinne wol sa’n 300 man yn, perfoast gjin ‘cafeetje’ dus.
By Tresoar dogge se ek wichtich wurk, dat is algemien bekind. Se hawwe útfûn dat in sjongereske fiere famylje is fan in fotomodel. Dat is fansels grut nijs, ik hie it net misse wollen.
Ik haw der in skoftke net mear nei sjoen, mar by Boeken fan Fryslân is it noch altyd net trochdrongen dat û.o. Knilles in nije dichtbondel útbrocht hat. Yn maaie 2011. It hat gjin gjin doel dy lju te mailen, de ûnfatsoenen jouwe dochs gjin antwurd.
Waarmje bakje iten op.
Ús Grutte Grize Oanfierder
Koos Tiemersma is de Grutte Lieder fan de Fryske Skriuwers. Dêrom fûnen in hiel soad minsken it wat nuver dat dizze Foarsitter fan it Skriuwersboun okkerlêsten oankundige net mear yn it Frysk publisearje te wollen. De man hie blykber te min kompliminten krige foar syn sûnder mis briljante boeken. Dat briljante, dat nim ik dan mar oan, want ik haw noch altyd gjin inkeld boek fan ús Grutte Grize Oanfierder lêzen. Der is eat dat my tsjinhâldt, ik wit wier net wat. Wat ek net helpt is dat dizze Grutte Baas net fiis is fan in bytsje sensuer. Kim Yung Koos alsa.
Mar minsken, Koos T. hat him de krityk oanlutsen. Want wat lês ik hjirre? Tiemersma giet tenei twatalich fierder! Is’ t net prachtich minsken? No is de Fryske Literatuer fan de ûndergong rêden!
Twatalich skriuwe? Ja, dat giet sa, likernôch:
It mantsje rûn over de straat en hy zag in hûntsje. It hûntsje poepte tegen de lantaarnpaal. It reinde een beetje. Daar kaam in oud wyfke aan. Ek it âlde vrouwtje poepte tegen…’ Ensafuorthinne.
Waarmje pastaguod op
Rients Knyflok
De freedsbylage fan de Ljouwerter Krante ris trochlêzen. Is dat eins net in bytsje oerdreaun om withoefolle (haw se net teld) artikelen oan Rients Gratama te wijen? Ik bedoel mar, it liket hast wol in hillichferklearring.
It sil grif in aardige man wêze, en wat er makket is ek wol aardich, mar it docht my net sa folle. No ja, it leit oan my, hâld it dêr mar op.
Ik haw oars noch altyd gjin ferwizing nei it Snitser Dichtersfestifal fûn yn dizze selde krante, mar dat leit grif ek oan my.
Wy soene it hast hielendal ferjitte, mar op 27-01-2012 lês ik ek foar, te witten yn it Harnzer Heerenlogement. Klik hjir foar mear ynfo.
Ik waarmje aanst makaroany op, in skoftke lyn haw ik in hiele panne fol makke. Sit aardich wat knyflok yn.
Duo broadsje
Yo, ensafh is werom fan in wolfertsjinne winterstop. En jo favorite dichter/skriuwer/besprekker/multymediamantsje/kabaretier/eh… stiet der ek wer op. Mei in ferhaal en as Duo-mantsje.
Dat as in hazze nei: ensafh.nl.
Haw broadsje hamburger, patat pinda iten. Dêrfoar trije glêzen bier dronken yn café Vellinga.
It riedsel fan de krante
Hjoed wer in pear posters opplakt krigen, op it stasjon fan Snits ûnder oaren. Dizze dus:
Al hiel nuver dat de Ljouwerter Krante hjir gjin oandacht oan jaan wol. Jawis, dêr binne wol deeglik parseberjochten nei tastjoerd. Alle oaren Fryske aktiviteiten neame se al. It is my in grut riedsel.
No sa. Bakje iten opwaarme.
Aaipodde
Nee, ik wie nea sa’n MAC-fan, alhoewol’t ik ek, lykas Steve Jobs, hiel faak in swarte trui en spikerbroek oanhaw. Mar sûnt koart haw ik in Aaipodde yn myn besit en ik begjin no earst yn te sjen wat foar prachtige programma’s der troch de Appelmantsjes en -wyfkes makke binne.
Foar it earst eacht profesjonele astrologyprogramma’s yn de bûse bygelyks… Mar it aldermoaiste is Garageband. Ek foar minsken dy’t eins gjin ynstrumint spylje kinne, en/of te lui binne om it te learen. Ta de lêste katagory hear ik. Mar no kin ik it al.
Bin wer aardich opknapt, haw reade koal mei haché en rjappels iten. Sels sean.
