Yn it ramt fan de Nationale Gedichtendag organisearret it Frysk literêr tydskrift Ensafh op 31-01-2013 yn de stêd Snits in grutte gedichtejûn, dêr’t elkenien oan meidwaan kin! Der binne trije mooglikheden:
– Dichters kinne twa of trije gedichten foarlêze .
– Poëzyleafhawwers kinne har favorite gedicht foarlêze.
– Gewoan komme te harkjen.
Dichters en foarlêzers wurde fersocht har op te jaan by de redaksje fan Ensafh troch te mailen nei ensafhpoezij@gmail.com Skilje nei Piter Boersma (058-2501475) kin ek. Foar mear ynformaasje kinne jo ek by boppesteand adres en telefoannûmer telâne.
Alle dichters en foarlêzers, ryp en grien, binne wolkom. It makket net út yn hokker taal de gedichten skreaun binne, dat jildt ek foar streek- en oare minderheidstalen.
De dichters en foarlêzers krije allegear 15 euro en omdat foarlêzen toarstich makket twa konsumpsjes fergees.
Wêr? Café Vellinga, Korte Veemarktstraat 11 8601 EV Snits
Wannear? Op 31-01-2013
Hoe let? Tusken 20:00 en 23:00 oere
Yntree fergees
Redaksje Frysk Literêr Tydskrift Ensafh
Klik hjir foar de lokaasje fan café Vellinga yn Snits
Klik hjir foar de side fan Literêr Tydskrift ensafh
Klik hjir foar de side fan Nationale Gedichtendag
Post a Comment