Cornelis van der Wal

De oerwinning fan de brutsen kowekop yn de ripe mist + updeet

Ha! Dêr wiene se al, de nominaasjes foar de Fedde Schurer Publykspriis.. Dus net op 7 april, mar op de 6e al. No no, it is my in listke wurden! Stimme kin dus hjir.

De oerwinnings fan Tido Houtsma Thys Wadman
Fan glês it brekken Elske Kampen
Fol túch de mist yn Hidde Boersma
Gerben Rypma Eeltsje Hettinga
Indentiteit & kowesturten Abe de Vries

Nee, gjin Kening Kees, mar dat wie ek net te ferwachtsjen, mei de frou fan Hylke Tromp yn de sjuery. It systeem om te stimmen liket my bepaald net wetterticht. Gewoan meardere email adressen oanmeitsje en bygelyks fia de Tor Browser jo ip-adres hieltyd feroarje. Net dat ik dat sels doch, hear! Ik soe net doare!

Ik stim ien kear, op Elske Kampen. En dy heart it ek te winnen. As dy Kowekop it yn elts gefal mar net wint, dan bin ik al tefreden. En dy oare stoute Menear mei ek net mei de priis útnaaie. De oaren gun ik it fan herte!

Waarmje jûn stampot soerkoal op

UPDEET

Haw it dochs efkes besocht en noch in kear stimd. Sa lek as in einekuorke dames en hearen fan Tresoar! Dat, dejinge dy 2000 Eury winne wol kin syn/har gong mar gean.

Reakce

8 antwurden op “De oerwinning fan de brutsen kowekop yn de ripe mist + updeet”

  1. Grutte Pier Avatar

    Dit wie it:

    Jo hawwe dochs net twa kear op ús Abe stemt, no?

  2. john bosma Avatar

    Moai ferhaal. Yn dat kafee België bin ek wolris bedarre, kist ek goed ite.

    Soe wol in moai biermerk wêze: Thet Oera Linda Bok.

  3. Knilles Avatar
    Knilles

    Ik haw 4 fan de 5 boeken lêzen, en yn ien fan de boeken kom ik sels ek foar!

  4. john bosma Avatar

    ik haw die boeken net lêzen, dan soe stimme nuver wêze. En at ik no mei mar 1 knikkerje hie ek.

    Net dat d’r yts mis is mei knikkerjen.

  5. Daam Avatar
    Daam

    Frysk fruit, Martsje. Alles mei sambal fan de geile glûperts.

  6. Martsje de Jong Avatar
    Martsje de Jong

    Ik stim net, moat mysels earst registreare. Hoe has se ea dizze seleksje makke? Apels, parren, bananen, alles troch elkoar. Is gjin tou oan fêst te knoopjen. Mar ik ha Elske heard op it boekefeest doe yn Ljouwert en ik mei har wol hearre, dat yn wêzen hat se myn stim.

  7. Daam Avatar
    Daam

    No, dan stim ik ek noch in kear. Gewoan, foar it leagenbankje oan de foet fan de Aldehou. Soks moatte wy net kwyt!

Reagearje

Dyn e-mailadres wurdt net publisearre. Ferplichte fjilden binne markearre mei *

This site uses Akismet to reduce spam. Learn how your comment data is processed.