“Mar sa\u2019n Loeks fynt dat in grut feest wurdich, want de man, d\u00ear komt it op del, hatet de Fryske taal. Dat lykwols in, miende ik altyd, Frysksinnich man as Bartle Muller efter sa\u2019n fint oanrint, kin ik mei myn ferst\u00e2n net by. Oan de oare kant, trochtinkend, alles falt no op syn plak, want is Muller \u2013 en syn foargonger, de gefreesde frou Steenburg fansels ek \u2013 ommers eins net ferantwurdlik foar in nije delgong fan it skreaune Frysk, mei\u2019t er in folslein Frysktalich tydskrift, mei in 4000 abo\u2019s, jawis, ik bedoel fansels Fris & Fleurich, de nekke omdraaid hat? It oph\u00e2lden mei subsidiearjen fan F & F kin ik ek net oars sjen as in genipige foarm fan sensuer, it bl\u00ead hie nammentlik wolris skerpe krityk op de Fryske bestjoerders. As jo it goed besjogge, dan binne krekt dizze deputearren de grutste fijannen fan in Frysk Frysl\u00e2n. Se passe alhiel yn it Albrecht-Loeks-patroan. Wolven, ferklaaid as yn it Frysk bekjeflaaiende skiep. Fuort mei dy man! Muller mut fut! Fuort mei de ferrieders!\u201d<\/p>\n
In sitaat \u00fat myn Kening Kees<\/a>, noch altyd te keap. Mar d\u00ear giet it no efkes net om. (No ja…). Mar l\u00eas foar de *aardichheid* ris op it blog<\/a> fan Abe de Vries. De trend wurdt gewoan fuortsetten. De provinsje Frysl\u00e2n is de (skreaune, liter\u00eare) Fryske taal oan it fermoardzjen. En docht soks doelbewust, mei opset sin. Krektlyk as dy BoekeBol figueren<\/a>.<\/p>\n